Фото: fakty.com.ua

20 қыркүйекте Алматыдағы «Ақбұлақ» шағынауданында атыс болып, бес адам көз жұмды. Екеуі — полицей дейді «Азаттық радиосы». 

Полицияға сенсек, сағат 17:00 шамасында 1967 жылы туған Д. есімді азамат үйден шығару туралы сот шешімін орындатуға келген сот орындаушысы мен полиция қызметкерлеріне оқ атқан. 

Бес адам қаза тапқан. Екеуі — полицей: майор Дархан Сүлеев пен капитан Нұрбол Байғазиев. Мерт болған үшінші адам — сот орындаушысы, қалғандары кім екені әзірге белгісіз. 

Полиция күдіктіні ұстағанын, жағдайды бақылап отырғанын айтады. Қылмыстық іс қозғалып, тергеу амалдары басталған.

Telegram, Instagram, Facebook, Twitter-дегі парақшамызға жазылыңыз.